锣鼓打来喜洋洋，春牛舞起拜祠堂。

高楼系从麻石起，青砖顶起子孙梁。

牛鞭一挥响赳赳，亚哥上场舞黄牛。

上古传下黄牛调， 娭也唔知几春秋。

春牛枯仔尾刁刁，今朝忘记装牛尿。

装得尿来又怕晏，犁田唔到误一朝。

地主老财有阴功，真系鸡食放光虫。

餐餐都系任粥水，长工饿到袂头松。

乜人^①吹箫响嘟嘟，奈人腰带火葫芦。

乜人出世冇爷姐^②，奈人一世冇丈夫。

韩湘子吹箫响嘟嘟，铁拐李腰带火葫芦。

孙悟空出世有爷姐，观音一世冇丈夫。

托张锄头去挪坡，坡下遇到两娇姨。

放下脚锄同其朋，盲曾^③聊到水浸坡。

托张锄头去逻田，柬岩^④遇到亚香莲。

一心上前睇真下，盲曾睇真跌落田。

注:

① 乜人：哪一个人。

②爷姐：父母。

③盲曾：还没有。

④柬岩，即凑巧。

（毛锦钦收集，邬榕添整理）